Ukraina va Shvesiya chorshanba kuni Vilnyusda NATO sammiti doirasida maxfiy ma’lumotlar almashinuvi to‘g‘risidagi kelishuvni imzoladi. Bu haqda Ukraina mudofaa vaziri Oleksiy Reznikov ma’lum qildi.
“Ishonch kuchli hamkorlikning asosidir. Axborot olish esa muvaffaqiyat kalitidir”, - deb yozadi Reznikov.
Shvesiya yaqin kelajakda NATOga rasman qo‘shiladi. Shu haftagacha uning kirishi Turkiya prezidenti Rajab Toyyib Erdo‘g‘an tomonidan to‘sib qo‘yilgan edi, biroq dushanba kuni Shvesiya bosh vaziri va NATO bosh kotibi bilan muzokaralardan so‘ng u qolgan barcha talablarini qaytarib oldi.
