Ukraina bilan urush Rossiyaga Pskov yoki Janubiy Saxalin aholisi soniga teng “nogironlar armiyasi”ni berdi, deb yozadi The Moscow Times gazetasi.
Rossiya federal statistika xizmatining Yagona idoralararo axborot-statistika tizimida e’lon qilingan Rossiya Ijtimoiy jamg‘armasi ma’lumotlariga ko‘ra, 2023-2024 yillarda mamlakatda nogironlarning umumiy soni 190 mingga ko‘paygan.
O‘tgan yilning oxiriga kelib, mamlakatda nogironlar soni 11 million 122 mingga yetgan, bu ko‘rsatkich 2023 yilda 11,04 million va 2022 yilda 10 million 932 mingga teng edi. Axborot-statistika tizimi ma’lumotlariga ko‘ra, nogironlar sonining o‘sish sur’ati 2007 yildan beri eng yuqori ko‘rsatkich hisoblanadi.
Xalqaro strategik tadqiqotlar institutining (IISS) ma’lum qilishicha, 2024 yilning oxiriga kelib, 376 ming rossiyalik frontda og‘ir yaralangan va nogiron bo‘lib qolgan. IISS hisob-kitoblariga ko‘ra, Rossiya armiyasining 2022-2024 yillardagi umumiy yo‘qotishlari taxminan 783 ming kishini tashkil etgan. Ulardan kamida 172 ming nafari halok bo‘lgan, 611 ming kishi yaralangan. Yaradorlarning qariyb 235 ming nafari tuzalib ketgan, qolganlari esa butun umrga nogiron bo‘lib qolgan.
O‘zbekiston bo‘ylab sovuq antisiklon va inversiya uzoqroq davom etadi
Toshkent viloyati va Toshkent shahrida "erfurushlar" qo‘lga tushdi
KIA avtosaloni xodimi mijozni kaltakladi (video)
