Ukraina qo‘shinlari Kursk viloyatining yana bir hududiga bostirib kirdi

Ukraina kuchlari 13 sentyabr kuni Kursk viloyatining Glushkovskiy tumaniga bostirib kirdi. Bu haqda ISW xabar bermoqda.

13 sentyabr kuni e’lon qilingan geolokasiya tasvirlari Ukraina qo‘shinlari yaqinda Veseliydan janubga (Glushkovodan janubi-g‘arbda va chegaradan uch kilometr uzoqlikda) oldinga siljishganini ko‘rsatadi.

Rossiya manbalarining ta’kidlashicha, Ukraina qo‘shinlari Glushkovoning janubi-g‘arbiy qismida Novo Put, Veseli va Medveje (Veseli sharqida) hududlarida hujum qilgan.