Ukraina Qurolli kuchlari bo‘linmalariga Kursk viloyatida Trampning inaugurasiyasiga qadar maksimal darajada hududni saqlab qolish buyrug‘i berilgan — BBC

BBC nashri bir nechta ukrain harbiy xizmatchilarining telegram orqali yozgan xabarlariga tayanmoqda. «Oldimizga qo‘yilgan asosiy vazifa — Trampning inaugurasiyasi va muzokaralar boshlanguniga qadar maksimal hududni saqlab qolish, keyin esa buni o‘zimizga manfaatli bo‘lgan narsaga almashtirish. Lekin hech kim bu nimani anglatishini bilmaydi», — deb keltiriladi harbiy xizmatchilardan birining so‘zlari.

Uning fikricha, Kursk viloyatidagi operasiya Rossiya armiyasining kuchlarini Zaporojye va Xarkov viloyatlaridan chalg‘itishga yordam bergan. Ammo «Bi-bi-si»ning boshqa suhbatdoshlari bu harbiylar Ukraina sharqida, Rossiya qo‘shinlari hujum qilayotgan joylarda ko‘proq foyda keltirishlari mumkinligini aytgan.