Ukraina prezidenti devoni Rossiya bilan muzokaralar taslim bo‘lishga teng ekanligini ta’kidladi

Ukraina prezidenti devoni rahbari maslahatchisi Mixail Podolyak AFP'ga bergan intervyusida frontdagi hozirgi vaziyatda Rossiya bilan muzokaralar boshlanishi Ukraina uchun taslim bo‘lish bilan barobar bo‘lishini ma’lum qildi.

Uning so‘zlariga ko‘ra, bunday sharoitda muzokaralarning boshlanishi hududlarini qaytargan mamlakat yutqazgan davlatga taslim bo‘lishi kerak degan ma’noni anglatadi.

Shuningdek, Podolyakga ko‘ra, Rossiya muzokaralarni istamasligi bois, Moskva Kiyevga tinchlik muzokaralari bo‘yicha hech qanday to‘g‘ridan-to‘g‘ri taklif bermagan.

"Rossiya prezidenti Vladimir Putin hamon Ukrainani yo‘q qila oladi deb o‘ylaydi, bu uning ahmoqona fikri va u bilan muzokaralar mantiqqa to‘g‘ri kelmaydi", — deya qo‘shimcha qildi Mixail Podolyak.