Ukraina Havo kuchlari qo‘mondonligi vakili Yuriy Ignat AQShning “Patriot” mudofaa tizimlari Rossiyaning so‘nggi ballistik raketalarini to‘liq to‘xtatib qolishga qodir emasligini tan oldi. Bu haqda mahalliy OAV xabarida keltiriladi.
“Rossiya endi oddiy trayektoriya bo‘yicha uchmaydigan, balki manyovr qiluvchi ballistik raketalardan foydalanmoqda. Bunday sharoitda Patriot tizimlari biz xohlagandek samarali ishlamasligi mumkin”, — dedi Ignat.
Uning ta’kidlashicha, Rossiya yangi raketa turlarini ishlab chiqqan bo‘lib, ular havoda manyovr qilish qobiliyatiga ega. Bu esa radar tizimlariga ularni aniqlash va yo‘q qilishda qiyinchilik tug‘diradi.
“Patriot tizimi yuqoridagi tezlikdagi va manyovr qiladigan raketalarni to‘liq to‘xtatib qolishi uchun mo‘ljallanmagan”, — deya qo‘shimcha qildi Ukraina harbiy rasmiysi.
Ma’lumot uchun, “Patriot” tizimi AQShning eng yuqori texnologik havo mudofaa qurollaridan biri hisoblanadi va so‘nggi yillarda Ukrainada faol qo‘llanib kelmoqda. Ammo yangi tahdidlar fonida uning imkoniyatlari sinovdan o‘tmoqda.
Kreml "yonmoqda" - Serbiya Ukrainaga yaqindan yordam bermoqchi
Uh! Isroil Eronga hujum qildi
Germaniyada Rossiya haqidagi hazillardan keyin kartoshka muammosi paydo bo‘ldi
