Ukraina bo‘yicha Ramshteyn uchrashuvi ham bekor qilindi

Ukraina bo‘yicha Ramshteyn uchrashuvi AQSh prezidenti Jo Baydenning «Milton» to‘foni sabab qatnashmasligi ma’lum bo‘lgach, bekor qilindi.

Bu haqda NATOdagi ikki manba Ozodlik radiosiga xabar berdi.

Sammit Germaniyada 10-13 oktyabr kunlari bo‘lib o‘tishi kerak edi. Yigirmaga yaqin davlat rahbarlari yoki ularning hukumatlari qatnashishi va Zelenskiy o‘zining «g‘alaba rejasi»ni taqdim etishi kutilgandi. Kecha, 8-oktabr kuni Ukraina tomoni ham Kiyev noyabrda o‘tkazishni rejalashtirgan ikkinchi tinchlik sammiti keyingi kunga ko‘chirilganini ma’lum qildi.

Bir kun oldin Bayden Germaniyaga safarini «Milton» to‘foniga tayyorgarlik ko‘rish va javob choralarini kuzatish uchun qoldirdi", deyiladi Oq uy bayonotida.

Ramshteyn formatidagi uchrashuvlar, shuningdek, Ukraina Mudofaa bilan aloqa guruhi uchrashuvlari sifatida ham tanilgan, Rossiya Ukrainaga bostirib kirganidan beri muntazam ravishda o‘tkazib kelinmoqda. Yig‘ilishlarda 50 dan ortiq davlatdan harbiy idoralar vakillari ishtirok etmoqda.