UEFA FIFA prezidenti Janni Infantinoning jahon chempionati huquqlarini xususiy investorlarga sotish rejasiga qarshi tarixiy va keskin bayonot bilan chiqdi. Tashkilotga a’zo barcha 55 ta milliy assosiasiya bu tashabbusni bir ovozdan rad etdi.
Bayonotdagi eng asosiy va muhim fikrlar:
JCh – biznes emas: Jahon chempionati investisiya mahsuloti emas, balki futbolning eng buyuk merosidir. Uning hech bir qismi xususiy investorlarga berilmasligi shart.
Ochiqchasiga qo‘rqitish: FIFAning bu rejani maxfiy tarzda tayyorlab, federasiyalarga 53 kunlik muhlat qo‘ygani «demokratiya» emas, balki qo‘rqitish orqali boshqarishdir.
Xavfli kelajak: Agar tashqi investorlar FIFA musobaqalarida ulushga ega bo‘lsa, futbol hamishaga o‘zgaradi. Xalqaro taqvim, musobaqalar formati va barcha qarorlar futbolning emas, balki aksiyadorlarning moliyaviy manfaatiga ko‘ra qabul qilinadigan bo‘lib qoladi.
Qat’iy boykot: Toki ushbu taklif to‘liq bekor qilinmas ekan va FIFA kelajakda o‘z turnirlarini investorlarga sotmasligi bo‘yicha yuridik kafolat bermas ekan, UEFAning hech bir terma jamoasi FIFA musobaqalarida (jumladan, Jahon chempionatida) ishtirok etmaydi!
«Ayrim narsalar sotib yuborish uchun juda qadrlidir. Jahon chempionati futbolga tegishli va Yevropaning ovozi bor ekan, u hech qachon sotilmaydi», — deyiladi tashkilot xabarida.
Ozarbayjon Eronga javob choralarini ko‘rdi
Rossiya xalqini hech qachon yengib bo‘lmaydi
Eron Kiyevga hujum qilishi mumkin
