Qozog‘iston Respublikasi prezidenti aholi migrasiyasi va jinoyat ijro tizimi to‘g‘risidagi qonunlarga o‘zgartirishlarni tasdiqladi.
Bu haqda Oqo‘rda axborot xizmati ma’lum qilgan.
Qonunga Qozog‘iston fuqaroligiga qabul qilish va fuqarolikni tiklash uchun berilgan arizalarni rad etish asoslariga taalluqli o‘zgartirishlar ham kiritilgan. Ularning orasida voyaga yetmaganlarning jinsiy daxlsizligiga qarshi jinoyat sodir etish, davlat tilini elementar darajada, Konstitusiya asoslari va Qozog‘iston tarixini fan va oliy ta’lim sohasida vakolatli organ belgilagan lozim darajada bilmaslik ham bor.