Turkiyaning Qora dengiz sohilida harbiy dron topildi

Turkiyaning Zonguldak viloyatidagi Qora dengiz sohilida harbiy maqsadda foydalanilgan deb taxmin qilingan uchuvchisiz uchish apparati (dron) topildi.

NTV telekanali xabar berishicha, hodisadan so‘ng hududda kuchaytirilgan xavfsizlik choralari ko‘rildi.

Mavjud ma’lumotlarga ko‘ra, Filyos qirg‘og‘ida dronni ko‘rgan fuqarolar bu haqda 112 raqami orqali favqulodda xizmatlarga xabar berishgan, shundan so‘ng jandarmeriya bo‘linmalari voqea joyiga yuborilgan.

Hozirda topilgan dronning texnik tekshiruvi olib borilmoqda.