Turkiyada 14 ta hashamatli avtomobil yonib ketdi

Turkiyaning Istanbul shahrining Beshiktosh tumanida o‘n to‘rtta hashamatli avtomobil yonib ketdi.

TRT Haber telekanalining xabar berishicha, avtomobillar avtomobil ijarasi kompaniyasiga tegishli bo‘lib, uning ofisi oldida to‘xtab turgan.

Avtomobillardan birida boshlangan yong‘in tezda qo‘shni avtomobillarga tarqaldi. Hodisa 14 ta hashamatli avtomobilga jiddiy zarar yetkazdi. O‘t o‘chiruvchilar voqea joyiga yetib kelishdi va yong‘inni o‘chirishdi.

Dastlabki ma’lumotlarga ko‘ra, yong‘in ataylab qo‘zg‘atilgan va hozirda tergov olib borilmoqda.