Turkiya tashqi ishlar vaziri: "Ukrainadagi urushni davom ettirishdan manfaatdor kuchlar bor"

Turkiya Ukraina masalasida vositachi rolini davom ettirmoqda.

Bu haqda Turkiya tashqi ishlar vaziri Xoqon Fidan ma’lum qildi.

U urush allaqachon Rossiya hududiga o‘tganini, har kuni o‘n minglab artilleriya o‘qlari otilayotganini ta’kidladi: "Xalqaro hamjamiyat Sharqiy Yevropada sodir bo‘layotgan voqealarga adekvat munosabat bildirmayapti, shekilli, tomonlar o‘rtasida muloqot Qo‘shma Shtatlardagi prezidentlik saylovlaridan keyin boshlanishi mumkin" - dedi.

Xoqon Fidan urushni davom ettirishdan manfaatdor kuchlar borligini ham ta’kidladi.