Turkiya shimolida kuchli shamollar ostida to‘lqin balandligi 3 metrga yetdi

Turkiya shimolidagi Qora dengiz sohilida bir necha kundan beri davom etayotgan kuchli shamol tufayli to‘lqin balandligi 3 metrga yetdi.

Turk OAVlari xabar berishicha, tabiiy ofat Turkiyaning eng shimoliy shahri bo‘lgan Sinop sohillarida davom etmoqda.

Bu yerda so‘nggi bir necha kun ichida shamol tezligi 37 km/soatga yetdi, bu esa balandligi 3 metrgacha yetadigan to‘lqinlarning paydo bo‘lishiga olib keldi.

Xalqaro yuk kemalari shahar janubidagi ichki bandargohda yomon ob-havoni kutishga majbur. Rasmiylar kelgusi bir necha kun davomida bo‘ron haqida ogohlantirish e’lon qildi va fuqarolarni ehtiyot bo‘lishga chaqirmoqda.