Turkiya chempionati. Shomurodov va Fayzullayev gol urgan o‘yinda "Bashakshehir" "Qosimposho"ni bir kishi kam bo‘lib yengdi (VIDEO)

Turkiya chempionatining 14-turida "Istanbul Bashakshehir" "Qosimposho" mehmoni bo‘ldi va 3:1 hisobida g‘alaba qozondi.

26-daqiqada Abbosbek Fayzullayev jarima zarbasidan chiroyli gol urdi. 45-daqiqada Amin Xarit Oradagi farqni ikkitaga oshirdi.

"Bashakshehir" hujumchisi Devi Zelke 75-daqiqada ikkinchi sariq kartochkadan so‘ng maydondan chetlatildi. Oradan 4 daqiqa o‘tib, Adem Arous oradagi farqni bittaga qisqartirdi. 90+7-daqiqada yana bir hamyurtimiz Eldor Shomurodov o‘z nomini tabloga yozdirib qo‘ydi va yakuniy hisobni o‘rnatdi - 3:1.

"Bashakshehir" bu g‘alaba evaziga 16 ochko bilan 9-o‘ringa ko‘tarildi.