Turkiya arab davlatlarining AQSH-Isroil koalisiyasiga kirishiga to‘sqinlik qilmoqchi

Turkiya Fors ko‘rfazi mamlakatlarini Eronga qarshi nizoga kirishmaslikka chaqirmoqda, deb yozadi "Bloomberg" o‘z manbalariga tayanib.

«Turkiya Fors ko‘rfazidagi arab davlatlarining Eronga qarshi AQSH-Isroil urushiga qo‘shilishiga yo‘l qo‘ymaslik uchun faol diplomatik sa’y-harakatlarni amalga oshirmoqda», — deyiladi materialda.

Agentlik manbalarining so‘zlariga ko‘ra, Anqara Fors ko‘rfazi mamlakatlarini vazminlik bilan ish tutishga undamoqda.

Qayd etilishicha, Turkiya Tashqi ishlar vaziri Hakan Fidan mintaqadagi hamkasblari bilan allaqachon bir qator telefon muloqotlari va uchrashuvlar o‘tkazgan.