Tunda Ukraina poytaxtiga 15 ta dron hujum qildi

Kiyev shahar harbiy ma’muriyati rahbari Sergey Popkoning so‘zlariga ko‘ra, rus qo‘shinlari tinch aholi va infratuzilma ob’ektlariga uchuvchisiz samolyotlar yordamida zarba berishga uringan.

Hammasi bo‘lib Kiyevga 15 dan ortiq dron hujum qildi, ulardan 10 tasi urib tushirildi, shaharning Pecherskiy tumanida UAV qoldiqlari qulashi sababli turar-joy binosidagi gaz quvuri bosimi tushirildi. Bundan tashqari, bolalar bog‘chasi hududiga vayronalar tushgan. Dastlabki ma’lumotlarga ko‘ra, Ukraina poytaxtida hech kim jabrlanmagan.

Odessa OBA rahbari Oleg Kiperning so‘zlariga ko‘ra, Odessa viloyatida raketa hujumi natijasida 62 yoshli ayol halok bo‘lgan, binolar va avtomobillarga zarar yetgan.

Nikolayev viloyatida, mahalliy ma’muriyat rahbari Vitaliy Kimning xabar berishicha, rossiyalik harbiylar energetika infratuzilmasi ob’ektiga hujum qilgan, bu esa elektr ta’minotida uzilishlarga sabab bo‘lgan. Ivano-Frankivsk viloyatida, ma’muriyat ma’lumotlariga ko‘ra, hujum natijasida muhim infratuzilma ob’ektiga zarar yetgan, bu esa elektr ta’minotining qisman uzilishiga olib kelgan. Dastlabki ma’lumotlarga ko‘ra, bu hududlarda, shuningdek, Dnepropetrovskda qurbonlar bo‘lmagan.