Tramp: "Vaqt o‘tmoqda va Eron shoshilishi kerak"

AQSh prezidenti Donald Tramp Eron Vashington bilan mumkin bo‘lgan kelishuvga erishish uchun shoshilishi kerakligini aytdi.

Tramp bu haqda Truth Social ijtimoiy tarmoq sahifasida yozdi.

"Vaqt o‘tmoqda va Eron shoshilishlari kerak, aks holda ularga hech narsa qolmaydi. Vaqt tugayapti", deyiladi postda.

Eslatib o‘tamiz, 28 fevral kuni AQSh va Isroil Eronga qarshi harbiy operasiyani boshladilar va bir nechta shaharlarga havo hujumlarini uyushtirdilar. Bunga javoban Eron Isroil hududiga raketa hujumlarini uyushtirdi va Fors ko‘rfazidagi AQSh harbiy bazalariga hujum qildi.

2026 yil 8 aprel kechasi Eron, AQSh va ularning ittifoqchilari ikki haftalik sulhga kelishib oldilar. Keyinchalik Prezident Donald Tramp sulhni noma’lum muddatga uzaytirdi. 11-12 aprel kunlari Pokiston vositachiligida Islomobodda Eron va AQSh o‘rtasida muzokaralar bo‘lib o‘tdi. Muzokaralar natijasiz yakunlandi.

Tehronga bosim o‘tkazish uchun AQSh Eron portlari va Hormuz bo‘g‘ozi orqali o‘tishni blokada qilganini e’lon qildi. O‘z navbatida, Eron Fors ko‘rfaziga yo‘l olgan kemalar uchun Hormuz bo‘g‘ozini yopishini e’lon qildi. Mintaqadagi vaziyat global energetika inqiroziga olib keldi.