Трамп: "Вақт ўтмоқда ва Эрон шошилиши керак"

АҚШ президенти Дональд Трамп Эрон Вашингтон билан мумкин бўлган келишувга эришиш учун шошилиши кераклигини айтди.

Трамп бу ҳақда Truth Social ижтимоий тармоқ саҳифасида ёзди.

"Вақт ўтмоқда ва Эрон шошилишлари керак, акс ҳолда уларга ҳеч нарса қолмайди. Вақт тугаяпти", дейилади постда.

Эслатиб ўтамиз, 28 февраль куни АҚШ ва Исроил Эронга қарши ҳарбий операцияни бошладилар ва бир нечта шаҳарларга ҳаво ҳужумларини уюштирдилар. Бунга жавобан Эрон Исроил ҳудудига ракета ҳужумларини уюштирди ва Форс кўрфазидаги АҚШ ҳарбий базаларига ҳужум қилди.

2026 йил 8 апрель кечаси Эрон, АҚШ ва уларнинг иттифоқчилари икки ҳафталик сулҳга келишиб олдилар. Кейинчалик Президент Дональд Трамп сулҳни номаълум муддатга узайтирди. 11-12 апрел кунлари Покистон воситачилигида Исломободда Эрон ва АҚШ ўртасида музокаралар бўлиб ўтди. Музокаралар натижасиз якунланди.

Теҳронга босим ўтказиш учун АҚШ Эрон портлари ва Ҳормуз бўғози орқали ўтишни блокада қилганини эълон қилди. Ўз навбатида, Эрон Форс кўрфазига йўл олган кемалар учун Ҳормуз бўғозини ёпишини эълон қилди. Минтақадаги вазият глобал энергетика инқирозига олиб келди.