Tramp vakili Ukraina–Rossiya sulhini qo‘llab-quvvatladi

AQSh prezidentining maxsus vakili Kit Kellog Ukraina va Rossiya o‘rtasida 30 kunlik sulhni qo‘llab-quvvatladi.

"Har tomonlama (havo, quruqlik, dengiz, infratuzilma) 30 kunlik o‘t ochishni to‘xtatish Ikkinchi jahon urushidan beri Yevropadagi eng katta va eng uzoq davom etgan urushni tugatish jarayoniga boshlang‘ich nuqta bo‘ladi. Prezident Tramp bir necha bor aytganidek: odamlarni o‘ldirishni hoziroq to‘xtating!", — deb yozdi Kellog X ijtimoiy tarmog‘idagi sahifasida.