AQSh prezidenti Donald Tramp Ukrainaga, jumladan hujumkor turdagi, yangi qurol-yarog‘ yetkazib berish rejasini taqdim etishni mo‘ljallamoqda. Bu haqda Axios nashri xabar berdi.
Nashr manbasiga ko‘ra, Kiyev uchun yangi harbiy yordam paketidan uzoq masofali raketalar o‘rin olishi mumkin — ular Rossiyaning chuqur hududlariga, jumladan Moskvagacha yetib borish qobiliyatiga ega. Biroq manbalarga ko‘ra, bu qaror hali yakuniy tasdiqdan o‘tmagan.
❕Axiosning yozishicha, Trampning bunday qat’iy pozisiyasiga 3 iyulda Rossiya prezidenti bilan bo‘lgan telefon suhbati ta’sir qilgan bo‘lishi m'umkin.
Suhbatdan so‘ng Tramp Fransiya prezidenti Emmanuel Makronga shunday degan:
«U [Putin] hammanikini olib qo‘ymoqchi».
Yangi tashabbusga ko‘ra, AQSh qurollari Yevropa mamlakatlari tomonidan moliyalashtiriladi va keyinchalik Ukrainaga yuboriladi.
Avvalroq Tramp Yevroittifoq mablag‘lari hisobidan Ukrainaga qo‘shimcha harbiy yordam, jumladan Patriot ZRK uchun raketalar yuborilishini ma’lum qilgan edi.
Qishloq xo‘jaligi vaziri qo‘lga olindi
«Amerikacha ishdagi ishq»: hokim ayol 100 yilga qamalishi mumkin
Isroilga tahdid: "Mamlakat falaj qilinadi"
