Tramp Suriya rahbari bilan uchrashish istagida yuribdi

Tramp Suriya rahbari bilan uchrashishni rejalashtirmoqda.

AQSh prezidenti Donald Tramp Saudiya Arabistoniga bo‘lajak tashrifi chog‘ida Suriyaning o‘tish davridagi rahbari Ahmad ash-Shara’a bilan uchrashmoqchi.

Bu haqda Isroilning i24News axborot telekanali ma’lum qildi.

Manbaga ko‘ra, Tramp va ash-Shara’a uchrashuvi Saudiya Arabistoni valiahd shahzodasi va bosh vaziri Muhammad bin Salmon Ol Saudning shaxsiy vositachiligida tashkil etilgan. Boshqa tafsilotlar i24News tomonidan keltirilmagan.

1 aprel kuni Oq uy matbuot kotibi Kerolin Livitt muntazam brifingda Tramp may oyida Saudiya Arabistoniga borishini ma’lum qildi. U bo‘lajak safarning aniq sanalari va boshqa tafsilotlarini keltirmadi, ma’lumot kelishi bilan xabar berishga va’da berdi.