AQSh prezidenti Donald Tramp Xitoyning Shenchjen shahrida bo‘lib o‘tayotgan Osiyo-Tinch okeani iqtisodiy hamkorligi (ATES) sammiti doirasida Rossiya prezidenti Vladimir Putin bilan ikki tomonlama uchrashuv boshida uni o‘z do‘sti deb atadi.
«U kim? U mening do‘stim», — dedi Oq uy rahbari uchrashuv zaliga kirib kelayotganida.
Muzokaralar Vashington vositachiligida Ukrainadagi mojaroni hal etish bo‘yicha diplomatik sa’y-harakatlar davom etayotgan bir paytda o‘tkazilmoqda. Bu o‘tgan yili Alyaskada bo‘lib o‘tgan va tinchlik kelishuvi bilan yakunlanmagan muzokaralardan keyin AQSh va Rossiya prezidentlarining ilk yuzma-yuz uchrashuvidir.
Ayni paytda AQSh va Ukraina o‘rtasidagi munosabatlarda sezilarli sovuqlashuv kuzatilmoqda. Avvalroq Tramp Moskvaga qarshi yangi sanksiyalar joriy etishdan bosh tortgan edi. Shu bilan birga, Ukraina armiyasi dronlarni sun’iy yo‘ldosh orqali qo‘llab-quvvatlash tizimidagi uzilishlarga duch kelgan.