AQSh prezidenti Donald Tramp ijtimoiy tarmoqda sun’iy intellekt yordamida tayyorlangan, saylovlarga oid fitna mavzusidagi videoni ulashdi. Unda AQShning sobiq prezidenti Barak Obama va uning rafiqasi Mishel Obama maymunlar sifatida tasvirlangan.
Mazkur video AQSh tarixidagi ilk va yagona qora tanli prezidentga nisbatan irqiy kamsitish deb baholanib, darhol keskin tanqidlarga sabab bo‘ldi. Ko‘plab jamoat arboblari va faollar rolikni ochiqdan-ochiq irqchilik namunasi sifatida qoraladi.
Shu bilan birga, Oq uy juma kuni ushbu tanqidlarni «asossiz shov-shuv» deb atab, noroziliklarni rad etdi.