Tramp ilk xorijiy tashrifini amalga oshirishi mumkin bo‘lgan mamlakatni tanladi

AQSh prezidenti Donald Tramp may oyi o‘rtalarida Saudiya Arabistoniga tashrif buyurishni rejalashtirmoqda.

Bu haqda Axios portali o‘z manbalariga tayanib xabar berdi.

Bu Trampning 2025 yil yanvarida ikkinchi prezidentlik muddatini boshlaganidan buyon ilk xorijiy safari bo‘ladi. Manbaga ko‘ra, saudiyaliklar "safar Rossiya va Ukraina o‘rtasida o‘t ochishni to‘xtatish kelishuviga erishilganidan keyin amalga oshirilishini" istaydi, deyiladi maqolada.

Oq uy va Saudiya Arabistonining Vashingtondagi elchixonasi Axiosga bo‘lajak tashrif haqida izoh bermadi. Shu bilan birga, isroillik rasmiylarning portalga aytishicha, Amerika prezidentining xuddi shu ishchi safari chog‘ida Isroilga tashrif buyurishi ehtimoli hali muhokama qilinmagan.