Tramp Yevropa Ukraina uchun sarflangan mablag‘larni AQShga qaytarishi kerakligini aytdi

AQSh prezidenti Donald Tramp Yevropa mamlakatlaridan Jo Bayden ma’muriyati Ukrainaga harbiy yordam uchun sarflagan mablag‘larni qaytarishni talab qilishini bildirdi.

Uning so‘zlariga ko‘ra, Bayden ma’muriyati Kiyevga AQSh Eronda ishlatganidan ancha ko‘p miqdorda o‘q-dori va qurol-yarog‘ bepul taqdim etgan. Tramp, shuningdek, Ukraina va NATOga yuzlab milliard dollar mablag‘ tekinga berilganini ta’kidladi.

"Evropa, agar undan bu haqda so‘ralganida, bularning barchasi uchun o‘zi to‘lashi mumkin edi. Ammo biz bu pullarni, biroz kech bo‘lsa ham, baribir talab qilamiz!" — deb yozdi Tramp Truth Social ijtimoiy tarmog‘ida.