Tramp Eronga qarshi sanksiyalarni bekor qilishi mumkin

AQSh prezidenti Donald Tramp Tehron tinchliksevar siyosat yuritsa, Eronga qarshi sanksiyalarni bekor qiladi.

Bu haqda Amerika yetakchisi Fox News telekanaliga bergan intervyusida aytib o‘tdi.

"Agar ular tinchliksevar bo‘lib, bizga boshqa zarar yetkazmasliklarini ko‘rsata olsalar, men sanksiyalarni bekor qilaman”, — dedi u.

Prezidentning so‘zlariga ko‘ra, Eronga qarshi sanksiyalarni bekor qilish “juda muhim bo‘ladi”. Shu bilan birga, Tramp haqiqatda Eronda maxfiy yadroviy inshoot borligini tan oldi.

“Biz Eronda ko‘plab yadroviy inshootlar borligini bilardik, ehtimol uchta asosiy va bitta”, - dedi u.

Shu bilan birga, Amerika rahbari Tehron AQSh zarbalarini boshlashdan oldin boyitilgan uranni yadroviy inshootlaridan olib chiqib keta olganiga ishonmaydi. "Yo‘q. Birinchidan, buni qilish juda qiyin. Bu juda xavfli. Bundan tashqari, hech kim Fordo inshootiga uramiz deb o‘ylamagan edi, chunki hamma uni o‘tib bo‘lmaydi, degan edi. Menimcha, ob’ektda odamlar bor edi, ular u yerda mashinalar borligini aytishdi. Bu odamlar bomba bo‘lishi mumkin bo‘lgan kirishni betonlashtirishga harakat qilishgan", - deya qo‘shimcha qildi u.