AQSh prezidenti Donald Tramp Braziliyadan import qilinadigan mahsulotlarga qo‘shimcha 40 foizlik boj joriy etish to‘g‘risidagi farmonni imzoladi va bojlarning umumiy miqdorini 50 foizga yetkazdi.
Bu haqda Oq uy matbuot xizmati xabar berdi.
Ta’kidlanishicha, tariflar Braziliya hukumatining milliy xavfsizlik, tashqi siyosat va AQSh iqtisodiyotiga tahdid soladigan, shuningdek, “Amerika kompaniyalariga, AQSh fuqarolarining so‘z erkinligi huquqlariga zarar yetkazuvchi” harakatlari tufayli yuzaga kelgan, go‘yoki, chora-tadbirlar doirasida kiritilmoqda.
Oq uyning ta’kidlashicha, Braziliya hukumati “Amerika kompaniyalari va fuqarolariga, jumladan, Braziliya Oliy sudi sudyasi Aleksandr de Morayes orqali siyosiy sabablarga ko‘ra ta’qib, senzura va bosim o‘tkazmoqda”. Bundan tashqari, ijroiya qarori sudya de Morayes, uning ittifoqchilari va ularning oila a’zolari uchun viza cheklovlarini nazarda tutadi. Oq uyning ta’kidlashicha, bu harakatlar so‘z erkinligi, biznes va AQShning milliy manfaatlarini himoya qilishga qaratilgan.
Maktablarda 1 sentyabrdan smartfondan foydalanish taqiqlanadi
Kapadze: "Agar terma jamoamizni Bentu boshqaradigan bo‘lsa, xayrli bo‘lsin deyman"
Toshkentdagi janjal yuzasidan rasmiy bayonot berildi
