Tramp: "AQSh Saudiya Arabistoniga F-35 samolyotlarini yetkazib berishni rejalashtirmoqda"

AQSh Saudiya Arabistoniga beshinchi avlod F-35 qiruvchi samolyotlarini yetkazib berishni rejalashtirmoqda.

Bu haqda AQSh prezidenti Donald Tramp Oq uyda jurnalistlar bilan bo‘lib o‘tgan suhbatda ma’lum qildi.

"Ha, buni aytaman. Biz shunday qilamiz. F-35larni sotamiz", - dedi Amerika rahbari.

18 noyabr kuni Saudiya Arabistoni valiahd shahzodasi Muhammad bin Salmon Ol Saud 2018 yildan buyon ilk bor Vashingtonga tashrif buyuradi. Bloomberg agentligining xabar berishicha, Ar-Riyod AQShdan Qatarga ilgari berilgan xavfsizlik kafolatlari kabi xavfsizlik kafolatlarini talab qilmoqda. Sentyabr oyi oxirida Donald Tramp Vashington Qatar hududi, suvereniteti va asosiy infratuzilmasiga qarshi har qanday qurolli hujumni AQSh tinchligi va xavfsizligiga tahdid deb bilishi haqidagi farmonni imzoladi. Shuningdek, Amerika OAVlari Saudiya Arabistoni AQSh bilan F-35 qiruvchi samolyotlarini sotib olish bo‘yicha muzokaralar olib borish niyatida ekanini xabar qildi.