Tramp AQSh Eronning yadroviy ob’ektlariga qayta zarba berishi mumkinligini ma’lum qildi

Uning so‘zlariga ko‘ra, bu boyitilgan uran zaxiralariga kirish imkoniyatini butunlay yo‘q qilish uchun amalga oshiriladi.

"Men Eron tomoniga agar ular u yerga qo‘shin yuborib, uranni olib chiqishga urinsa yoki kimdir bunga harakat qilayotganini ko‘rsak, biz shunchaki u yerga bir nechta bomba tashlaymiz va hammasi shu bilan tugaydi", — dedi AQSh prezidenti Fox News telekanaliga bergan intervyusida.

Trampning qo‘shimcha qilishicha, AQSh ilgari bombardimon qilingan Eron yadroviy ob’ektlarini kecha-yu kunduz kuzatib bormoqda.