Bugun, 11 fevral kuni ayrim ijtimoiy tarmoqlarda Favqulodda vaziyatlar vazirligi Toshkent viloyatining Bo‘ka tumanida itlarni qo‘lga olish paytida shafqatsiz munosabatda bo‘lganlikda ayblangan video tarqaldi. Vazirlik bu borada rasmiy bayonot berdi.
"Vaziyat batafsil o‘rganib chiqilgan va shuni aytish kerakki, video muallifining ayblovlari asossiz va haqiqatga to‘g‘ri kelmaydi.
Bugungi kunda "quturish" kasalligi tarqalishining oldini olishga qaratilgan profilaktika tadbirlari doirasida, egasiz, uysiz itlar ushlanmoqda. Ushbu tadbir Ichki ishlar vazirligi, Sog‘liqni saqlash vazirligi, Veterinariya tibbiyoti va chorvachilikni rivojlantirish direksiyasi, Buka tumani hokimligi va Favqulodda vaziyatlar davlat xizmatiga kiruvchi boshqa xizmatlar vakillari bilan hamkorlikda o‘tkazildi.
Keling, ba’zi tafsilotlarga oydinlik kiritaylik. Video muallifi go‘yoki qonga botgan itlar haqida gapiradi, ammo bu videoda aks etmaydi. Bundan tashqari, video ostidagi tavsifda muallif ularning egasiz itlarni otishni rejalashtirganlarini ta’kidlaydi. Ammo bu ham isbotlanmagan. Aksincha, daydi itlar veterinariya ekspertizasi uchun ushlandi. Itlar 5 kun davomida Obodonlashtirish bo‘limida saqlanadi va agar shu vaqt ichida itlarning egalari bo‘lmasa, hayvonlar maxsus qarorgohlarga o‘tkazilib, to‘g‘ri parvarish qilinadi", deyiladi bayonotda.
19 may kuni yomg‘ir yog‘ishi mumkin bo‘lgan hududlar e’lon qilindi
O‘zbekiston Eron Prezidenti bo‘lgan vertolyotning baxtsiz hodisaga uchrashiga munosabat bildirdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
