Toshkentda “Spark” va “Matiz” ishtirokida YTH sodir bo‘ldi

Yo‘l transport vositasi oqibatida “Matiz” transport vositasining 2 nafar yo‘lovchisiga tibbiy yordam ko‘rsatish maqsadida shifoxonaga olib ketilgan.

Toshkent shahar IIBB YHXB axborot xizmatining xabar berishicha, hozirda holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.

Ma’lumotlarga ko‘ra, bugun tungi soat 02:00 larda Sergeli tumani Mehrigiyo-Mirzo Tursunzoda ko‘chalari chorrahasida haydovchi 2001 yilda tug‘ilgan D.U. boshqaruvidagi “Spark” rusumli transport vositasi va 1997 yilda tug‘ilgan L.A. boshqaruvidagi “Matiz” transport vositalari to‘qnashgan.