Toshkentda pulli avtoturargohlar bo‘yicha yangi tartib belgilandi

Unga ko‘ra, pulli to‘xtab turish hududlariga yaqin joylarda yashovchi fuqarolar uchun rezident avtoturargoh ruxsatnomalari joriy etiladi.

Hujjat imzolangan kundan kuchga kiradi, ammo belgilangan tartib-qoidalar 2026 yil 1 fevraldan amal qila boshlaydi.

Rezident kim?

Rezident — pulli avtoturargoh hududi yoki unga tutash ko‘chalarda joylashgan uyda yashaydigan, ushbu uyga mulk huquqi (yoki ulushi) bo‘lgan shaxs.

Rezident ruxsatnomasi nima beradi?

Rezident ruxsatnomasi bo‘lsa: avtomobil soat 20:00 dan 08:00 gacha rezident zonasida bepul to‘xtab turadi;

08:00–20:00 oralig‘ida esa yillik to‘lov asosida to‘xtash mumkin. Bir xonadon uchun ko‘pi bilan 2 ta rezident ruxsatnomasi beriladi;

Ruxsatnoma 1 yilga amal qiladi;
Faqat bitta transport vositasi uchun beriladi;
Faqat o‘sha rezident yashaydigan mahalla va unga tutash ko‘chalarda amal qiladi;

Ma’lumotlarni o‘zgartirish yoki yangilash ma’lum muddatlar asosida amalga oshiriladi.

Rezidentlar uchun yillik to‘lov tarif zonasiga bog‘liq:

1-tarif zonasi — 1 bazaviy hisoblash miqdori (1 BHM);
2–5 tarif zonalari uchun ham alohida miqdorlar belgilanadi (zonaga qarab). To‘lov bir marta qilinadi va yil davomida amal qiladi.