Toshkentda psixotrop dori vositalari joylangan xalqaro pochta jo‘natmalari to‘xtatib qolindi

Jinoyat / Yurtimizda A A A

Toshkent shahar bojxona boshqarmasining Bosh pochtampt tashqi iqtisodiy faoliyat bojxona posti xodimlari tomonidan fuqarolar YU.I., A.A., B.A. nomiga xorijdan yuborilgan pochta jo‘natmalari bojxona nazoratidan o‘tkazilganda CN22 shaklidagi bojxona deklarasiyasida ko‘rsatilmagan salkam 300 dona Fenazepam , Lorazepam hamda Oksazepam psixotrop tabletkalari borligi aniqlandi. Bu haqda O‘zA xabarida aytiladi.

Shuningdek, mazkur post xodimlari tomonidan fuqarolar O.K., B.N.,O.F. nomiga kelgan pochta jo‘natmalari orasidan esa 204 dona Tramadol , Andipal , Rokaset plyus kabi psixotrop tabletkalari borligi ma’lum bo‘ldi.

Hozirda mazkur holatlar yuzasidan tergovga qadar tekshiruv harakatlari olib borilmoqda.

Xalqaro pochta konvensiyasiga asosan, pochta jo‘natmalari orqali psixotrop va narkotik vositalarning yuborilishi qat’iyan taqiqlangan. O‘zbekiston Respublikasi Giyohvandlik vositalari va psixotrop moddalar to‘g‘risida gi qonunining 17-moddasida giyohvandlik vositalari, psixotrop moddalar va prekursorlarni pochta jo‘natmalarida, shu jumladan xalqaro pochta jo‘natmalarida jo‘natish taqiqlanishi ko‘rsatib o‘tilgan.

Manba: daryo.uz

Kiritildi: 20:00 15.02.2019. O'qildi: 1672 marta. Fikrlar soni: 0 ta.

Bo'limga tegishli qiziqarli xabarlar

• Evropa Ittifoqi Isroilga murojaat qildi
• Alisher Qodirov Rossiya Davlat dumasi spikeriga javob qaytardi
• Toshkentda 22 yoshli yigit BYD’da YPX xodimini qasddan urib ketdi

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!