Ekologiya, atrof-muhitni muhofaza qilish va iqlim o‘zgarishi vazirligiga Toshkent shahri, Chilonzor tumanida yashovchi mahalliy aholidan murojaat kelib tushdi. Murojaatda hududdan oqib o‘tuvchi Oqtepa kanalidagi maxsus quvurdan chinor daraxti o‘sib chiqqani ma’lum qilingan.
Vazirlik mutaxassislari tomonidan holat voqea joyiga chiqib o‘rganildi. Nihol nobud bo‘lmasligi uchun qulay hududga ko‘chirib o‘tqazildi va ayni damda doimiy parvarish qilinmoqda.
Ma’lumot uchun, daraxtlarni kesish, shikast yetkazish, tabiiy omillar natijasida zarar yetishi va boshqa holatlarga guvoh bo‘lsangiz, vazirlikning @ecogovuz_bot (https://t.me/ecogovuz_bot) telegram boti, (71) 207-11-07, (71) 207-11-08 raqamlari hamda 1157 va 1207 qisqa raqamlariga murojaat qiling!
