Toshkentda haydovchi mast holda uxlab qolgan yo‘lovchining nomiga 12 mln so‘mlik mikroqarz oldi. Hozirda gumonlanganlar qo‘lga olingan.
Ma’lum bo‘lishicha, yo‘lovchi (ayol) o‘sha kuni mast holda taksiga o‘tirgan. Yo‘nalishni ko‘rsatish uchun telefonini haydovchiga bergan va uxlab qolgan.
Shundan so‘ng, haydovchi tanishi bilan ayolning nomiga onlayn mikroqarz rasmiylashtirib, pulni o‘z kartasiga o‘tkazib, bankomatdan yechib olgan.
Hozirda gumonlanganlar qo‘lga olingan. Ularga nisbatan jinoyat ishi qo‘zg‘atildi. Ayolga yetkazilgan zarar to‘liq qoplandi.
