Toshkent viloyatida Mazda mashinasi yonib ketdi

Toshkent viloyati Yangiyo‘l tumanida avtotransport vositasi yonib ketdi. Bu haqda viloyat IIB YHXB axborot xizmati xabar bermoqda.

Hodisa 2024 yil 10 yanvar kuni soat 10:30 larda sodir bo‘lgan. Yangiyo‘l tumani xududidan o‘tuvchi M-39 “Toshkent-Termiz” xalqaro avtomobil yo‘lida harakatlanib ketayotgan 34 yoshli haydovchi boshqaruvidagi “Mazda 6” rusumli mashinada yong‘in kelib chiqqan.

Yong‘in oqibatida harakat ishtirokchilarining sog‘lig‘iga ziyon yetmagan. Faqat transport vositasi texnik shikastlangan va uning saloni hamda dvigateli yonib ketgan.

Qayd etilishicha, hozirda holat yuzasidan Yangiyo‘l tumani FVV tomonidan surishtiruv ishlari amalga oshirilmoqda.