Afg‘onistonda hokimiyatni qo‘lga olgan “Tolibon” radikal harakati shimoliy Balx viloyatida o‘zi tuzgan havo kuchlarining ilk harbiy mashg‘ulotlarini o‘tkazdi. Bu haqda Afg‘onistonning TOLOnews telekanali xabar berdi.
Tolibon Harbiy-havo kuchlari qo‘mondoni Amanuddin Mansurning so‘zlariga ko‘ra, manyovrlarda Rossiyada ishlab chiqarilgan Mi-17 vertolyotlari va AQSh sobiq hukumatga taqdim etgan Amerika MDlari qo‘llangan. Sobiq harbiy-havo kuchlari askarlari, ayniqsa texnik xodimlar hozir Afg‘oniston Islom Amirligining Balx viloyatidagi harbiy-havo kuchlarida xizmat qilmoqda.
“Harbiy havo kuchlarining barcha xodimlari har qanday sharoitda va har qanday ob-havoda parvoz qilishga tayyor. Ular vertolyotlarni (kerakli) jihozlarsiz (texnik jihatdan mustahkam) holatda ushlab turishadi”, - deya qo‘shimcha qildi Tolibon qo‘mondonlaridan biri Muhammad Ahmadzay.
Amanuddin Mansurning ta’kidlashicha, avvalgi hukumat davrida tayyorgarlik ko‘rgan va xizmat qilgan, ammo mamlakatdan qochib ketgan uchuvchilar Afg‘onistonga qaytishi kerak.
“Vatanni tark etganlardan qaytib, xalqiga xizmat qilishlarini so‘raymiz. Ular havo kuchlariga qayta yollanadi”, dedi Tolibon Harbiy-havo kuchlari qo‘mondoni. Uning qo‘shimcha qilishicha, yaqin kelajakda toliblar xizmat ko‘rsatishga yaroqli va shikastlangan vertolyotlar, shuningdek, ularga xizmat ko‘rsatishga tayyor bo‘lgan uchuvchilar sonini hisoblash uchun barcha aeroportlardan ma’lumot yig‘adi.
Rossiya yana bir harbiy mojaroda ishtirok etishi mumkin
Makron: "Agar Rossiya g‘alaba qozonsa..."
Rossiya Armaniston uchun qaror chiqardi
