«Vasvasa va provokasiyaga berilmang. Siz Tojikistonning xorijdagi vakillarisiz. Vatanparvar bo‘ling, Tojikistonning obro‘ va shuhratini mamlakat tashqarisida ko‘tarishga harakat qiling», — dedi muftiy Saidmukarram Abdulqodirzoda.
Tojikistondagi ayrim masjidlarda muhojirlar haqiga duo o‘qilib, vatanparvarlik mavzusida ma’ruzalar o‘qildi.
«Jihod qilmoqchi bo‘lsangiz, ota-onangizga g‘amxo‘rlik qiling, yeringizni himoya qiling, farzandlaringizga ta’lim bering, turmush o‘rtog‘ingizni ta’minlang. Bu jihoddir», — dedi masjid imomi.
