TikTok va YouTube sudga tortiladi

Shu haftada Meta Platforms, TikTok va YouTube kompaniyalari yoshlarning ruhiy salomatligiga salbiy ta’sir ko‘rsatganliklari uchun sudga tortilayapti. Bu orqali bolalarning ekran oldida qancha vaqt o‘tkazishi haqida yangi muhokama boshlanmoqda, deb xabar beradi AZERTADJ.

Agentlikning xabar berishicha, bu sud ishi ijtimoiy tarmoqlar egalari bolalarni qaram qilib qo‘yish maqsadida o‘z platformalarini maxsus ishlab chiqqanini aniqlashga qaratilgan.

Ijtimoiy tarmoqlar qurbonlarining huquqlarini himoya qilish markazi asoschisi Metyu Bergmanning aytishicha, bu — ijtimoiy tarmoq kompaniyalarining bolalarga zarar yetkazish ayblovlari bilan sudga tortilishining birinchi ishi.

Sud kompaniyalarning KGMga ruhiy salomatlikka zarar yetkazgan mahsulotlarni taklif qilish orqali bee’tiborlik qilganmi va uning ilovalardan foydalanishi uning depressiyasining rivojlanishiga boshqa sabablarga nisbatan muhim ta’sir ko‘rsatganmi, degan savolni hal qilishi kerak. Ya’ni, masala, u ilovalardagi uchinchi tomonlarning kontentini ko‘rib chiqib yoki hayotidagi boshqa omillar ta’sirida depressiyaga tushganmi, shuni aniqlash.

2018 yildan boshlab Meta kompaniyasi AQSh bo‘ylab o‘rta maktablarda ota-onalarga internetda yoshlarning xavfsizligi masalalari bo‘yicha seminarlar o‘tkazib kelmoqda.

TikTok ham shunday tadbirlarga qo‘llab-quvvatladi. Kompaniyaning veb-saytidagi ma’lumotga ko‘ra, 100 dan ortiq mahalliy va mintaqaviy ota-onalar qo‘mitasi tomonidan tashkil etilgan «Yaxshilik qil» dasturi TikTok funksiyalari bo‘yicha ota-onalarga mo‘ljallangan o‘quv materiallarini o‘z ichiga oldi, jumladan, ekran vaqtini kechasi cheklash imkoniyati ham mavjud.