The Best-2023. Eng yaxshi futbolchi bo‘lishga nomzodlar ro‘yxati e’lon qilindi

FIFA 2023 yilning eng yaxshi erkak futbolchisi sovriniga nomzodlar ro‘yxatini e’lon qildi.

Ro‘yxatga 12 nafar futbolchi kiritilgan: Kilian Mbappe («PSJ»/Fransii), Erling Xoland («Manchester Siti»/Norvegiya), Deklan Rays («Arsenal»/Angliya), Bernardu Silva («Manchester Siti»/ Portugaliya), Ilkay Gyundogan («Barselona»/Germaniya), Xulian Alvares («Manchester Siti»/ Argentina), Xvicha Kvarasxeliya («Napoli»/Gruziya), Kevin de Bryuyne («Manchester Siti»/Belgiya), Lionel Messi («Inter Mayami»/Argentina), Marselo Brozovich («An-Nassr»/Xorvatiya), Rodri («Manchester Siti»/ Ispaniya) va Viktor Osimxen («Napoli»/Nigeriya).

«Manchester Siti» klublar orasida eng ko‘p vakilga ega - 5 nafar futbolchi. Qolaversa, Gyundogan avvalroq shu yozda "shaharliklar"dan "Barsa"ga o‘tgandi.

Mukofotning amaldagi sohibi Lionel Messidir. 2022 yilda u kuchli uchlikdan Kilian Mbappe va Karim Benzemani ortda qoldirdi.