O‘zbekistonda Xitoyning Temu marketpleysiga kirish cheklandi. Bu haqda "Istiqbolli loyihalar milliy agentligi" (ILMA) matbuot xizmati tasdiqladi.
Temu sayti ochilmayapti, kirishga urinishda “Vazirlar Mahkamasining 2018 yil 5 sentyabrdagi 707-sonli qaroriga asosan saytga cheklov qo‘yilgan” degan xabar chiqmoqda.
Temu’ning mobil ilovasi App Store va Google Play'da hali ham bor. U App Store'da 26-o‘rinni, Google Play'da esa 33-o‘rinni egallagan. Biroq, ilovada mahsulotni savatga qo‘shishda ishlash sekinlashib, internetga ulanish bilan bog‘liq muammolar haqida ogohlantirish chiqadi.
Temu avvalroq O‘zbekistonda yuridik shaxs sifatida ro‘yxatdan o‘tgan va soliqqa qo‘yilgan. Ammo 20 martdan blokirovka amalga oshirildi, chunki platforma oldingi davr uchun soliq to‘lamagan.
ILMA rahbari Kamronbek Muhammadiyevga ko‘ra, Temu QQS to‘lashi va soliq organlari bilan integrasiya qilinishi kerak. Hozirda Soliq qo‘mitasi va ILMA Temu bilan muzokaralar olib bormoqda, natijalarga ko‘ra yakuniy qaror qabul qilinadi.
Ukraina bir zarba bilan Rossiyaning qo‘mondonlik punktini yo‘q qildi
"Turk yigitlari ruslardan ayollarini tortib olmoqda"
Qon to‘kishdan zavqlanadigan shaxs yana vazir etib tayinlandi
