Shu hafta ringga qaytadigan professional boks afsonasi Mayk Tayson bloger Jeyk Pol bilan jangi uchun yigirma million dollar kafolatlangan gonorarga ega bo‘ladi, uning raqibi esa bundan ikki baravar ko‘p pul olishi kutilmoqda. Bu haqda “Fighttime” xabar berdi.
Mayk Tayson va Jeyk Pol o‘rtasidagi har biri ikki daqiqadan sakkiz raundga mo‘ljallangan boks jangi professional maqomga ega va 15 noyabr kuni AQShning Texas shtati, Arlington shahrida bo‘lib o‘tadi.
Shu yilning iyul oyida 27 yoshli Jeyk Pol sobiq UFC jangchisi Mayk Perrini 6-raundda nokautga uchratib, professional ringdagi o‘ninchi g‘alabasini qo‘lga kiritgan edi.
58 yoshli Mayk Tayson o‘n besh yillik tanaffusdan so‘ng 2020 yilning noyabr oyida 54 yoshli kichik Roy Jonsga qarshi ko‘rgazmali boks jangini o‘tkazdi va o‘sha jangda durang qayd etilgandi.
«Qiyomat muzligi» kutilganidan tezroq xavf sola boshladi
Fransiya Rossiyani 230 million yevro bilan qo‘llab-quvvatladi
Afg‘oniston varianti Ukraina uchun mos deb topildi
