Tan olinmagan Abxaziya parlamenti Rossiya bilan investisiya shartnomasini ratifikasiya qilishga qarshi ovoz berdi

Shu bilan birga, Abxaziya parlamenti deputati Kan Kvarchiya mamlakat bosh vaziri o‘rinbosari va Iqtisodiyot vaziri Kristina Ozganga nisbatan ishonchsizlik votumi e’lon qilishni taklif qildi. Ozgan Moskvada Abxaziya nomidan ushbu hujjatni imzolagan edi.

Eslatib o‘tamiz, noyabr oyida Abxaziyada Rossiya bilan investisiya bitimining ratifikasiya qilinishiga qarshi norozilik namoyishlari bo‘lib o‘tgan edi. Muxolifatning fikriga ko‘ra, bu kelishuv faqat Rossiya uchun foydalidir. Shundan so‘ng Abxaziya prezidenti Aslan Bjaniya iste’foga chiqishi va fevral oyida prezidentlik saylovi o‘tkazilishi e’lon qilindi.