Tailand Konstitusiyaviy sudi juma kuni Bosh vazir Pxetxongtxan Chinnavatni axloq qoidalarini buzganlikda aybdor deb topib, lavozimidan chetlatdi.
Bu haqda Thai PBS mahalliy nashri xabar berdi.
Janjal 15 iyun kuni Kambodja parlamenti spikeri Xun Sen bilan bo‘lgan telefon suhbati yozuvi e’lon qilinganidan keyin boshlandi, unda Chinnavat Tailand armiyasi qo‘mondonini tanqid qilgan.
Pxetxongtxan e’lon qilingan telefon suhbatida o‘z pozisiyasini himoya qildi va buni muzokaralar olib borishdagi taktika deb atadi. Biroq, sud o‘z qarorida bu dalilni, shuningdek, uning Tailand manfaatlarini himoya qilishga uringani haqidagi da’vosini rad etdi.
Xabarga ko‘ra, Chinnavat Kambodja parlamenti spikeri Xun Sen bilan telefon muloqoti mamlakat muammolarini hal qilish va zo‘ravonliksiz tinchlikni tiklashga qaratilgan shaxsiy muzokara ekanligini ta’kidlagan.
“Chinnavatning xatti-harakatlari millat g‘ururini himoya qilmadi va shaxsiy manfaatlarni mamlakat manfaatlaridan ustun qo‘ydi, bu axloqiy me’yorlarni jiddiy buzish yoki unga rioya qilmaslik hisoblanadi”, deyiladi sudda.
Sud, shuningdek, uning xatti-harakatlari aholining Bosh vazirga bo‘lgan ishonchi yo‘qolishiga olib kelganini qo‘shimcha qildi, deb xabar berdi report.az.
Maktablarda 1 sentyabrdan smartfondan foydalanish taqiqlanadi
Keyingi 5 yil ichida boshlanishi mumkin bo‘lgan 5 ta urush
AQSh Kongressiga nomzod Valentina Gomes Qur’onni yoqib yubordi
