Tailand-Kambodja chegarasida yuz bergan otishmada ikki nafar Tailand askari yaralandi.
Bu haqda Tailand armiyasining ikkinchi harbiy hududi bayonotida ma’lum qilgan.
Bayonotga ko‘ra, Kambodja qo‘shinlari kichik qurollardan o‘qqa tuta boshlaganidan so‘ng, Tailand kuchlari mutanosib ravishda javob qaytargan. Ikkinchi harbiy okrug qo‘mondoni barcha bo‘linmalarni to‘liq jangovar shay holatga keltirishni buyurdi.
"Tailand tomonida ikki nafar yarador bor. To‘qnashuv to‘xtadi, biroq bo‘linmalar to‘liq jangovar shay holatda va hudud xavfsizligini ta’minlashda davom etadi", — deyiladi bayonotda.
Armiya joriy noaniqlik va to‘qnashuvlar avj olishi ehtimoli tufayli to‘rtta viloyat – Buriram, Surin, Sisaket va Ubonratchatxanidagi chegara hududlari aholisiga o‘z xavfsizligini ta’minlash maqsadida fuqarolarni evakuasiya qilish rejasiga muvofiq belgilangan boshpanalarga evakuasiya qilish tavsiya etilganini ta’kidladi.
Eslatib o‘tamiz, Kambodja va Tailand bosh vazirlari Xun Manet va Anutin Chanvirakun oktyabr oyida AQSh prezidenti Donald Tramp ishtirokida ASEAN 47-sammiti doirasida davlatlar o‘rtasidagi chegara mojarosini tinch yo‘l bilan hal qilish bo‘yicha qo‘shma deklarasiyani imzolagan edi.
Noyabr oyida Tailand Tashqi ishlar vazirligi Kambodja qo‘shni davlatga piyodalarga qarshi minalarni o‘rnatish orqali tinchlik kelishuvini buzganini, natijada 9 noyabr kuni Tailand askarlari halok bo‘lganini ma’lum qildi. Binobarin, Tailand qo‘shma deklarasiyaning asosiy elementlarini amalga oshirishni to‘xtatishdan boshqa chorasi qolmagan.
Kelayotgan hafta O‘zbekistonda sovuq havo kutilmoqda
Muhammad Saloh jazolanadigan bo‘ldi
Migrantlardan norozi bo‘layotgan ekspertlarga qo‘liga supurgi olishni maslahat beraman — Sobyanin
