Suriya moliya vazirligi favqulodda choralar sifatida vazirliklarni ma’muriy qayta qurish tugagandan so‘ng, ya’ni keyingi oydan davlat sektori xodimlarining ish haqini 400 foizga oshirishga qaror qildi. Bu haqda Reuters xabar bermoqda.
Ish haqining oshishi mavjud davlat resurslari, shuningdek, mintaqaviy yordam, investisiyalar va Suriyaning xorijdagi aktivlarini muzdan tushirish harakatlari hisobidan moliyalashtiriladi. Rasmiylar bunga taxminan 127 million dollar sarflashni rejalashtirmoqda.
“Bu mamlakatdagi iqtisodiy vaziyatni hal qilish yo‘lidagi birinchi qadamdir”, – dedi Suriyaning yangi hukumati moliya vaziri Muhammad Abazid.
Dekabr oyi oxirida The Wall Street Journal (WSJ) Suriyaning yangi hukumati urushdan vayron bo‘lgan iqtisodiyotni tiklashga harakat qilayotganini, ammo sanksiyalar va neft konlari ustidan nazoratni yo‘qotish bilan bog‘liq muammolarga duch kelayotganini yozgan.
WSJ nashrida ta’kidlanishicha, mamlakatda hokimiyatga kelgan “Hayat Tahrir ash-Sham” guruhi Suriyada erkin bozor qurishni, neft sanoatini jonlantirishni va xalqaro hamkorlikni yo‘lga qo‘yishni rejalashtirmoqda.
Jahon IQ reytingi: eng aqlli insonlar qaysi davlatlarda yashaydi? O‘zbekiston nechanchi o‘rinda?
Alisher Qodirov Qonunga qarshi ovoz bergan hamkasblariga murojaat qildi: “Iste’molchining 3 tadan 2 tasi yoshlar. Yarmi qizlar”
Yana bir yirik davlat BRIKS a’zosiga aylandi
