O‘yindagi yagona golni Jasur Jaloliddinov jarima zarbasidan kiritdi. Shuni ta’kidlash lozimki, Jasur uchrashuvda 11 metrlik jarima to‘pidan unumli foydalana olmagan edi. Shu tariqa, «Neftchi» ushbu g‘alabadan keyin ochkolar sonini 14 taga yetkazib oldi va 6-o‘rinni egalladi.
Shuningdek, ushbu turda «So‘g‘diyona» va «Bunyodkor» jamoalari o‘zaro raqobatlashdi. Bu o‘yinda mezbonlar yirik 4:0 hisobida zafar quchdi.
O‘yinda Lyupche Doriyev xet-trik muallifiga aylandi. To‘rtinchi golni Nodirjon Soyibov chiroyli tarzda poytaxt klubi darvozasiga joylab qo‘ydi. «So‘g‘diyona» bu g‘alabasi evaziga ochkolarini 14taga yetkazib, beshinchi o‘ringa ko‘tarilib oldi.
Bugun, 27 may kuni Superliganing 9-turiga «Surxon» va «Lokomotiv» klubi o‘rtasidagi o‘yin yakun yasab beradi. Bahs «Lokomotiv» stadionida soat 19:00 da boshlanadi.
