Shveysariya hukumati 2017 yilda qabul qilingan atom energiyasidan voz kechish qarorini qayta ko‘rib chiqishni taklif qildi. Bu qaror 2011 yilda Yaponiyadagi Fukusima atom elektr stansiyasida yuz bergan yirik avariya bilan bog‘liq edi. 2017-yilda o‘tkazilgan referendumda shveytsariyaliklar yangi atom elektr stansiyalari qurilishini taqiqlashni qo‘llab-quvvatladilar, garchi mavjudlari xavfsiz deb topilgan bo‘lsa, ishlashiga ruxsat berilgan edi.
Hokimiyat elektr energiyasining barcha ekologik toza shakllarini ishlab chiqarishga ruxsat berish uchun yangi referendum tashkil etishi kutilmoqda. Bunga yadroviy energiya kiradi, chunki u uglerod neytral hisoblanadi.
Shveysariya Federal Kengashi 2017-yildan beri shart-sharoitlar keskin o‘zgarganini tushuntirdi: xususan, Rossiyaning Ukrainaga bostirib kirishi sababli Yevropada gaz ta’minotida uzilishlar boshlandi.
Biroq, qayta tiklanadigan energiyani rivojlantirish Shveysariya uchun ustuvor vazifa bo‘lib qolmoqda. Shunga qaramay, ishlayotgan to‘rtta atom elektr stansiyasi, jumladan, dunyodagi eng qadimgi AESlardan biri Beznau mamlakat energiya iste’molining bir qismini ta’minlashda davom etmoqda.
Germaniyada hukumat oxirgi atom elektr stansiyasini bir yarim yil avval yopgan edi.
Suriyaliklar pul to‘la qoplar bilan banklarga bostirib kirishmoqda
Suriyaning yangi rahbari Isroilga signal yubormoqda
Isroil g‘arazli maqsadini e’lon qildi
