Shveysariya hukumati 2012 yilda Gulnora Karimovaga taalluqli bo‘lgan hisob-raqamlardagi mablag‘lardan 131 million dollarga teng aktivlarni O‘zbekistonga qaytarishga rozilik bergan. Ikki mamlakat o‘rtasida imzolangan hadli kelishuvda bu haqda so‘z boradi.
Shveysariya hukumati bayonotida aytilishicha, O‘zbekiston qaytarilgan aktivlarni aholining turmush sharoitlarini yaxshilash, barqaror rivojlanish loyihalariga sarflashi kerak. Bundan tashqari, ushbu mablag‘lar xarajati ustidan shaffof monitoring o‘rnatilishi lozim.
Gulnora Karimovaga taalluqli yana 715 mln dollarlik mablag‘lar muzlatib qo‘yilgan. Hozircha bu mablag‘lar Gulnoraga nisbatan jinoiy ish ketayotganligi uchun ushlab turiladi. Mabodo ushbu mablag‘lar qaytarilgan taqdirda ham yuqoridagi shartlar asosidagina O‘zbekistonga qaytariladi.
