Bugun 5 aprel, 2025 yil, shanba

КИР

Shvesiya Ukrainaga deyarli 1,5 milliard yevrolik yangi harbiy yordam yuboradi

Shvesiya Ukrainaga deyarli 1,5 milliard yevrolik yangi harbiy yordam yuboradi

Bu haqda qirollik mudofaa vaziri Pol Yonson ma’lum qildi.

"Bizning maqsadimiz – Ukrainani muzokaralarda kuchli pozisiyaga ega bo‘lishi uchun maksimal darajada qo‘llab-quvvatlash", – deya izoh berdi Yonson.

16 milliard shved kronasi (taxminan 1,48 milliard yevro) miqdoridagi yordam paketi Stokgolm tomonidan Kiyevga ajratilgan eng yirik mablag‘ hisoblanadi. Yonsonning so‘zlariga ko‘ra, ushbu paketning asosiy qismi, 9 milliard krona, yangi harbiy texnika sotib olishga yo‘naltiriladi, yana 5 milliard krona esa Ukrainaning mudofaa sanoatini moliyalashtirishga sarflanadi.

Shu tariqa, Rossiyaning keng ko‘lamli bosqini boshlanganidan beri Shvesiyaning Ukrainaga ko‘rsatgan harbiy yordami umumiy hisobda 80 milliard kronani (taxminan 7,4 milliard yevro) tashkil etadi.

Bundan tashqari Shvesiya mudofaa vaziri boshqa Yevropa davlatlarini ham Ukrainaga ko‘proq yordam berishga chaqirdi.

"Ko‘proq mamlakatlar yanada kuchliroq harakat qilishi kerak. Yevropa Ittifoqi iqtisodiyoti Rossiya iqtisodiyotidan sakkiz baravar yirik, shuning uchun siyosiy iroda mavjud bo‘lsa, katta yordam ko‘rsatish mumkin. Muammo shundaki, Yevropa mudofaa sanoati tinchlik davriga moslashtirilgan", – deya Yonsonning so‘zlarini keltiradi Reuters agentligi.

Kiritildi: 10:36 01.04.2025. O'qildi: 641 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik

Fikr bildirish uchun qaydnomadan o'tishingiz so'raladi va telefon rakamni tasdiklash kerak buladi!